Wirtshaus am Freilandmuseum Bad Windsheim

Früher da gabs gute Sitt'n
und ans, des war ganz unbestritt'n
do hat zu den Derfla kert,
a richtigs Wertshaus und a Wert.

Wer domols is ins Wertshaus ganga,
der konnt fast alles dort verlanga.
An Wein, a Bier und was zu essn;
an Selberbrennt'n net zu vergessn.

A jeder Wert hat selber g'schlacht
und wunderbore Werscht draus gmacht.
Daß es Brot selber backn wor,
des wor für jedn Gast ganz glor.

Is wichtigst derf mer net vergessn,
mer is nit blos komma wechern essn.
Im Wertshaus wor a heile Welt
und jder hat was neus erzählt.

Genau wie domols hermmers heit,
a Wertshaus für die gmütlin Leit.
Daß des a so wie früher wird,
des wünscht sich Ihr Museumswert!